FICHA TÉCNICA:

Título: Omaha Beach. Ensayo para una antropología de la guerra
Autor: José Luis Cardero López
Editorial: Ab Origine Edicións
Idioma: Galego
Impresión: Cor
Tamaño: 23×16
Prezo: 20 €
260 páxinas
Ano: 2019
I.S.B.N.: 978-84-947844-2-2

DESCRICIÓN:

Escribo estas liñas sentado ao borde do mar. Ás miñas costas esténdese outro mar de cruces brancas, erguidas sobre unha pradeira verde, tranquila e coidadosamente recortada. Desde aquí, nunha tarde de verán, podo ver perfectamente delimitadas, por un lado, a liña na que rompen as ondas, alá na beira; por outro, a liña na que se detén as cruces. Estou no cemiterio militar de Saint Laurent, sobre a praia que, aínda hoxe, garda o seu nome de código secreto: Omaha Beach. Inaugurado o 18 de xullo de 1956, foi construído polo goberno norteamericano a través da American Battle Monuments Commission, abarca unha superficie de 70 hectáreas e garda o repouso de 9.387 soldados norteamericanos, mortos durante o desembarco do Día D, o 6 de xuño de 1944 e nas posteriores e cruentas batallas que tiveron lugar ao longo dos tres meses seguintes. Non é a primeira vez que veño para os meus estudos antropolóxicos levados a cabo sobre estes lugares de guerra e sufrimento. Hai que dicir tamén que este non é un cemiterio máis, senón un contorno cheo de mensaxes e de suxestións, cheo de misterio e tamén, como non, dunha certa sensación estraña, que non me atrevería a describir.

Omaha Beach é unha proposta de interpretación antropolóxica das actividades e repercusións de fenómenos asociados aos conflictos bélicos a partir do estudo de caso do patrimonio material e inmaterial relacionado co desembarco de Normandía durante a Segunda Guerra Mundial.